Vai thingpui dawr (fiction)

 

VAI THINGPUI DAWR

by

Hmingthantluanga

First Draft

February 24, 2025

FADE IN:

MONTAGE CUT:

EXT. DURTLANG – TLAI

Tlai ni tla tur a eng sen riai a, chawngzawng an thlawk nauh nauh a. Khawlaiah chawhmeh zuar an phu mur mur a, School naupang leh office hnathawkte mahni in lam panin an haw sung sung a.

DISSOLVE TO:

INT. VAI THINGPUI DAWR – TLAI

ROṬAWMA (24), tlangval fel leh hawihhawm, tshirt dum a nghawng nei a ha a, tukverh bulah thingpui inin a ṭhu. Nula hmelṭha tak a lo lut, NUNGI (27), ria lampang Ft 5’5 vel, overcoat var a ha a, bag dum a ak a, office kal bang ni awm tak a ni.

NUNGI

(hah hmel takin)

Thingpui no khat leh chhangban ka lo ei?

Dawr nghaktuin a lo pe. Roṭawma’n Nungi chu a en reng a, Nungi chu LITTLE STAR school-a an senior ṭhin kha a ni tih hre chhuak a. Hmelhriat erawh an ni hran loa biak pawh an inbe ngai lem lo. Mahse Roṭawma chuan chhelo a tih rûk riau avangin a be ta a.

ROṬAWMA

Little Star school-a lut ve ṭhin Nungi kha i ni em?

NUNGI

(nui chungin)

Aw ni e, ka hmuh hnu i ang ka ti reng a, kan junior-nior leh chiah in ni ṭhin ti raw?

ROṬAWMA

Aw ni ṭhin, Durtlang hi in veng em ni?

NUNGI

Aw ni e, eng nge i lo tih a?

ROṬAWMA

(nui chungin)

Helai hi ka first posting na hmun a nia, policie-ah ka inziak tling ve a.

Roṭawma hi Excise & Narcotics-ah Sub-Inspector inziak tlingin training zo hlim a ni a, Durtlangah a ni li(4) na chiah a ni. Rei vak lo an inbiak hnuin haw turin Roṭawma a tho a.

CUT TO:

EXT. THINGPUI DAWR KAWT

Roṭawma a chhuak a, kawngpuiah scooty leh bike an insu thawi fua a, scooty a awm hmunah a tlu a, bike a tleng phei. Roṭawma’n a va pui thuai a. Scooty khalhtu NUTLING kum 45 bawr velin Bike khalhtu RAWLTHAR kum 18 bawr vel a hau.

NUTLING

(thinrim hmel takin)

I va rawn tlan chak em em ve! A hlauhawm lutuk!

RAWLTHAR

(hlauhthawn hmel takin)

Ka tihpalh ka pi, i side loah signal pe loin i rawn lut thut a. Nangmah i na em?

ROṬAWMA

(Bike leh Scooty en dik pahin)

Ni e ka pi, naua hi a tlan chak tho nain i side lo lamah signal pe loin i lo tlan ve bawk a. I scooty chu hei engtin man a awm lo e, mahse bike zawk hi a clutch lever a tliak tlat mai. A tanky hi a rang ve deuh bawk a nih hi.

NUTLING

Ka na lo ve, keimah chu engtin mah ka awm lo, i bike chu a va pawi ve aw. Kan thiam lo ve ve a ni e, nangmah i na lo maw?

RAWLTHAR

(Bike thlêk pahin)

Aih na lo, ka bike chu ka va ui e aw…

NUTLING (O.S.)

A zia lo khawp mai i nat loh chuan kan kal mai ang nge.

NUNGI

(hmanhmawh leh mengphawk takin)

HRUAITE! Nang elaw! Awi, i na em

Rawlthar hi Nungi nau a ni a. HRUAITEA, sang tha tak mai. Sam kir buk chhap. Inkhel tura kal tur a ni.

Nutling scooty ti nungin a tlan a.

NUNGI

Ngati nge a tlan daih a.

HRUAITEA

(a ban a dawm)

A pawi lo, keimah ka rawn tlan chak em a, ka thiam loh a ni ve tho ka control hman lo a ni. Ka ban a na lutuk, kha nu awm lai kha chuan ka sawi ngam lo a.

NUNGI (O.S.)

Lo kal rawh kan haw ang. I khalh thei a ngem?

DISSOLVE TO:

FLASHBACK – ROṬAWMA LEH HRUAITEA

Roṭawma leh Hruaitea an lo inhmu tawh a. Hruaitea’n a n in kawtah a bike a sil fai a. An thenawmah veranda aṭangin thingpui in pahin Roṭawma a lo chhuak a, a bike mawi a tih thu te a sawi a, an titi. Roṭawma hi Nungi te in thenawmah a lo awm a, an lo la inhmu ve lo zawk chu a lo ni a.

BACK TO PRESENT:

ROṬAWMA

Ehe! Kan inhmu tawh tak tiraw?

HRUAITEA

Aw, ni dawn tak. U, heihi kan thenawma rawn awm thar anih hi, in inkalh reng ṭhin kha.

NUNGI

(nui chungin)

Ê… a ni maw lehzel chuan. Vai thingpui dawrah sawn kan lo inbe tawh a, Roṭawma a nih hi, heihi ka nau Hruaitea.

Bike chu I khalh thei a ngem, Hruaite?

ROṬAWMA

A ni tak maw, bike chu I kut a nat chuan ka lo khalhsak mai dawn che mi. Hei a clutch lever lah chu a tliak thui viau mai.

NUNGI

Nia, khalhtir mai rawh, in thenawm lawk kan nih tho chu.

HRUAITEA

(a lu a bu a)

Aw min lo khalh hawnsak ngawt mai rawh ka ban hi a na reuh riau. Rickshaw-in kan lo haw mai ang.

NUNGI

Ni e, khawngaihin han khalh hawnsak ngawt mai the, kan lo zui ang che.

Roṭawma’n Hruaitea bike a tinung a, a tlan a. A hnu rei loteah rickshaw-in Nungi te unau in an zui nghal a.

DISSOLVE TO:

EXT. NUNGI TE IN KAWT

NUNGI

Awi i tilawmawm mang e. I lo awm hlauh chu a tihzia hle mai.

ROṬAWMA

(nui chungin)

Hei keipawh hawna tur ka neih phah ringawt alawm.

Nungi Nu (MANGHETI), kum 50 bawr vel nu lian lampang a lo chhuak a.

MANGHETI

Aw kha hniangte (Hruaitea a koh dan) i bike i tlu em ni?

HRUAITEA

Aw, nu rual pakhatin a side lo lamah signal pe hmasa loin a rawn lut thut a, ka ngei tak tak a ni.

NUNGI

Hei, Roṭawma hi a lo awm hlauh a, kan thenawm thar. A ni hian a lo khalh hawsak a, Hruaitea ban a na deuh a.

Hruaitea, an inah a lut a.

MANGHETI

(Roṭawma en chungin)

I va ti lawmawm ve, nangmah hi ni maw AVULI’n (Roṭawma in luah neitu, a in chungah an awm) Police Officer thar fel deuh mai kan pa te khua amiin a rawn luah a tih che kha. (MORE)

MANGHETI (CONT’D)

I in bawr vel hi ka rawn kal apiangin a lo inkalh ṭhap zel mai bawk sia, mahni lo buai ve bawk nen thenawm te pawh kan inhmu hlei thei meuh lo.

ROṬAWMA

Pi Vuli lah hi min lo fak chiam zel a. Ni e tunlai chu ka hna hi join ṭan chauh ka nih vangin station-ah ka awm tluk tluk mai. Tih tur lo tam ve bawk si nen. Ka la zei lo ropui mai sia.

An in kawtah chuan titi khawchang eng emaw chen an sawi hnu chuan an in lamah ve ve chaun an haw ta hlawm a.

MANGHETI

(Nungi nen an in lam lut pahin)

Chaw te pawh i lo la ei dawn nia, mumal deuhin kan la insawm ang.

ROṬAWMA

Ni e, a lawmawm ngawt ang chu

CUT TO:

INT. NUNGI TE IN

MANGHETI

(uang thuang takin)

A va fel hmel reuh ve Bawihte (Nungi a koh dan).

NUNGI

(hmel siam ner chungin)

I ninawm a, kan junior ṭhin nih kha, Little Star-ah. A lo glow up tawh reuh tawp.

FADE TO BLACK

ACT II

FADE IN:

I/E NUNGURI ENGLISH SCHOOL (N.E.S.) – CHHUN

Nunguri English School hi Nungi thawhna private school a ni a, Class VIII – Class X ah Chemistry subject a la a ni.

Nungi’n class IX white board-a chemical equations vel a ziah chu a sawifiah a, a student ten ngun takin an ngaithla.

STUDENT

Miss, what’s the most important element in Chemistry?

NUNGI

(nui chungin)

Trust. Without it, no reaction can take place.

Students te chu an nui dar dar a. Lunch break a lo ni a. Vai dawrah khan thingpui in tura kal a tum leh ta a. An school atangin a hla lo a ni.

DISSOLVE TO:

INT. VAI THINGPUI DAWR

Thingpui leh chow satuileih eiin tukverh bul dawhkanah chuan Nungi a ṭhu a. Roṭawma a lo lut a, Nungi ṭhutna dawhkanah chuan a va ṭhu ve a.

ROṬAWMA

(hlim hmel takin)

Eheu, nang bawk maw? Teacher i nih kha ka ring reng a. (Nungin school teacher uniform a ha a). A chhak khi in school a mi?

NUNGI

Aw tehhlawl che chuan, ni e. I uniform nen chuan ka hai dawn che lawm. In office a hlat nen hetah daih eng nge i lo tih a?

ROṬAWMA

Aa.. vawiin chu ka awl deuh a, bakah helai hi thil an nei tui riau a, khu ka scooty ka keng tho bawk nen vawiin chu.

An titi liam a, a tu zawk mah chuan an inhaw lo tih chu a hriat hle mai. Rei vak lo an ṭhut hnu chuan School lam panin Nungi a chho leh ta a.

Chu thingpui dawrah chuan an inhmu ta zeuh zeuh a.

DISSOLVE TO:

NI 3 HNUAH

INT. NUNGURI ENGLISH SCHOOL STAFF ROOM - TLAI

Staff room-ah Nungi’n phone khawih mai mai, earphone ah hla a ngaithla pah a.

PHONE SCREEN-AH NOTIFICATION A LO POP UP

“Ka rualin lo haw ve la, Hruaitea a kal leh tawh bawk sia.” - Roṭawma

NUNGI

(khi vur vur chungin)

Aw lawmawm ngawt ang, Hruaitea awm loh takah chuan rickshaw fare uiawm thei em mai. A chang chuan kein ka kal a.

Roṭawma’n phur leh hlim takin a reply ve leh a.

DISSOLVE TO:

Roṭawma leh Nungi te Nungi in kawtah an ding a, Roṭawma’n a tuka len chhuahpui a sawm. Lai dun tak leh hlim tak siin an inṭhen.

DISSOLE TO:

EXT. TLAWNG LUI KAM – CHHUN

Roṭawma leh Nungi lui kamah ṭhu chungin an titi a, an inngaina tulh tulh a. An inkarah chuan awm a awm tih chu hai rual a ni ta lo.

NUNGI (O.S.)

(zawi sapin)

Ka rin loh dan daih I ni.

ROṬAWMA

(muang ban thlupin)

Chu chu a ṭha zawng a ni em

NUNGI

(nui sen senin)

Ni chiang e.

DISSOLVE TO:

SPLIT SCREEN: NUNGI ROOM LEH ROṬAWMA ROOM - ZAN

An phone an en ve ve a, thil dang mag niloin vawiina lui kama an thlalak dun ngei chu a ni. A khi sûk reng mai ni. Sap hoin ‘spark’ an tih chu an feel mek a ni.

FADE TO BLACK

ACT III

FADE IN:

INT. VAI THINGPUI DAWR - ZAN

Tukverh bul dawhkan an ṭhutna ṭhinah ngei mai chuan Roṭawma leh Nungi chu an ṭhu a, an inpawh tawh hle tih chu hai rual a ni lo.

Ral khat aṭangin dawr neitu VAIPA pawn a rawn nuih sen sen a.

NUNGI

(thaw hluai a)

Rote, eng nge kan nih?

ROṬAWMA

Engtia?

NUNGI

(lai tak maiin)

Kan ni em?

ROṬAWMA

(dam takin)

Nungnung, ka nnuna i lo lan chinah hian ka hlim thei em em a, rawng nei lo rawng nei ta ang mai hian ka inhre ṭhin. Ka nunah hian awm reng turin ka duh che.

‘NI’ ila.

Nungi’n a Roṭawma mitah tak chuan en ran chungin a bu nghat nghat a.

Roṭawma’n Nungi kut a va vuan a, an khur ser ser te leh an thin phu dep dep te chu an in feel sak ve ve thei a.

FADE TO BLACK

THE END